३५ हजार आज कोरोनाबाधित तर ३९ हजार बरे होवून घरी १५ लाख होम क्वारंटाईन तर ७९ जणांचा मृत्यू

मराठी ई-बातम्या टीम

राज्यात आज ३५ हजार ७५६ नवे कोरोनाबाधित आढळून आले असून ३९ हजार ८५७ इतके रूग्ण बरे होवून घरी गेले आहेत. त्यामुळे राज्यात ९४.१५ टक्के रूग्ण बरे होण्याचे प्रमाण एवढे झाले आहे. तर ७९ इतक्या रूग्णांच्या मृत्यूची नोंद झाली आहे. तर आज ओमायक्रॉनचा एकही रूग्ण आढळून आला नाही.

मुंबईत १८४८ रूग्ण तर ठाणे मंडळातील वसई विरार, ठाणे शहर व जिल्हा, कल्याण-डोंबिवली, उल्हासनगर, भिवंडी निझामपूर, मीरा भाईंदर, पालघर, रायगड, पनवेल, नवी मुंबई मध्ये मिळून ४ हजार ८३० रूग्ण आढळून आले आहेत. तसेच पुणे शहर-जिल्हा, पिंपरी चिंचवड मध्ये जवळपास १० हजार रूग्ण आढळून आले आहेत.

सध्या राज्यातील मृत्यूदर १.८७% एवढा आहे. आजपर्यंत तपासण्यात आलेल्या ७,३८,६७,३८५ प्रयोगशाळा नमुन्यांपैकी ७६,०५,१८१ (१०.३ टक्के) नमुने पॉझिटिव्ह आले आहेत. सध्या राज्यात १५,४७,६४३ व्यक्ती होम क्वारंटाईनमध्ये आहेत तर ३,२९८ व्यक्ती संस्थात्मक क्वारंटाईनमध्ये असल्याची माहिती आरोग्य विभागाने दिली.

राज्यातील जिल्हा आणि  मनपानिहाय रुग्णांचा तपशील पुढीलप्रमाणे आहे-