कोरोनाबाधितांच्या रूग्णसंख्येत घट, मात्र होम क्वारंटाईन २२ लाखावर तर ३९ हजार बरे ४२ हजार ४६२ हजार रूग्णांची नोंद तर १२५ ओमायक्रॉनबाधित

मराठी ई-बातम्या टीम

राज्यात दैंनदिन आढळून येणाऱ्या रूग्णांच्या संख्येत कालच्या तुलनेत आज २ हजाराची घट आलेली आहे. तर राज्यात तब्बल २२ लाखाहून अधिक रूग्ण होम क्वारंटाईमध्ये असल्याने कोरोनाचा प्रसार अधिक वेगाने होत असून गृह विलगीकरणात राहणाऱ्यांची संख्याही दिवसेंदिवस वाढताना दिसून येत आहे. काल हीच संख्या १९ लाखावर होती त्यात आता जवळपास ३ लाखाने वाढ झाली असून आज ही संख्या २२ लाखाहून अधिक झाली आहे.

आज राज्यात ४२,४६२ नवीन रुग्णांचे निदान झाले आहे तर ३९ हजार ६४६ रुग्ण बरे होऊन घरी गेलेले आहेत. यामुळे राज्यातील रुग्ण बरे होण्याचे प्रमाण (Recovery Rate) ९४.२८% एवढे झाले आहे. त्याचबरोबर राज्यात आज २३ करोना बाधित रुग्णांच्या मृत्यूंची नोंद झाली आहे. तर सध्या राज्यातील मृत्यूदर १.९७% एवढा आहे. आजपर्यंत तपासण्यात आलेल्या ७ कोटी १७ लाख ६४ हजार २२६ प्रयोगशाळा नमुन्यांपैकी ७१ लाख ७० हजार ४८३ (९.९९  टक्के) नमुने पॉझिटिव्ह आले आहेत. सध्या राज्यात २२,००,१०८ व्यक्ती होमक्वारंटाईनमध्ये आहेत तर ६१०२ व्यक्ती संस्थात्मक क्वारंटाईनमध्ये आहेत.

ओमायक्रॉन सर्वेक्षण विषयक माहिती –

आज राज्यात १२५ ओमायक्रॉन संसर्ग असणारे रुग्ण रिपोर्ट झाले आहेत. हे सर्व रुग्ण राष्ट्रीय विषाणू संस्था यांनी रिपोर्ट केले आहेत. आज सर्वाधिक ओमायक्रॉन बाधित रूग्ण नागपूरात आढळून आले असून रूग्णांची संख्या ३९ आहे. तर मुंबई- २४, मीरा भाईंदर-२०, पुणे मनपा – ११, अमरावती-९, अकोला-५, पिंपरी चिंचवड – ३, औरंगाबाद, जालना, पुणे ग्रामीण आणि अहमदनगर–  प्रत्येकी २, नाशिक, कोल्हापूर, लातूर, सातारा, ठाणे मनपा आणि वर्धा- प्रत्येकी १ असे रूग्ण आढळून आले आहेत.

राज्यातील जिल्हा आणि  मनपानिहाय रुग्णांचा तपशील पुढीलप्रमाणे आहे-