कोरोना: राज्यात बाधितांच्या संख्येत घट मात्र अहमदनगरमध्ये सर्वाधिक नवे बाधित ३ हजार ७४१, ४ हजार ६४१ बरे झाले तर ५० मृतकांची नोंद

मुंबई: प्रतिनिधी

महाराष्ट्रात काल ४ हजार ६६५ इतकी कोरोना बाधितांची संख्या आढळून आल्यानंतर आज एकदम त्यात एक हजारांची घट होत ३ हजार ७४१ इतके नवे बाधित आढळून आले आहेत. तर राज्यात सर्वाधिक रूग्ण एकट्या अहमदनगर जिल्ह्यात आढळून आले असून ७७० इतके बाधित आढळून आले आहेत. त्यानंतर पुणे जिल्ह्यात ४२६ आणि साताऱ्यात ४४६, सोलापूरात ३८२ इतके नवे बाधित आढळून आले आहेत. काही दिवसांपूर्वी ज्या ११ जिल्ह्यात चिंताजनक परिस्थिती होती. त्या जिल्ह्यात अर्थात सांगलीमध्ये २३७, रत्नागिरीत ६९, सिंधुदूर्गात ५३ कोल्हापूरात ८६ इतके कमी रूग्ण आढळून आले आहेत.

मागील २४ तासात ४ हजार ६९६  रुग्ण बरे होऊन घरी गेल्याने आजपर्यंत एकूण ६२ लाख ६८ हजार ११२ वर घरी जाणाऱ्यांची संख्या पोहोचली आहे. यामुळे राज्यातील रुग्ण बरे होण्याचे प्रमाण (Recovery Rate) ९७.०२ % एवढे झाले आहे.

राज्यात आज ५२ करोना बाधित रुग्णांच्या मृत्यूंची नोंद .सध्या राज्यातील मृत्यूदर २.१२% एवढा आहे. आजपर्यंत तपासण्यात आलेल्या ५ कोटी ३८ लाख १२ हजार ८२७ प्रयोगशाळा नमुन्यांपैकी ६४ लाख ६० हजार ६८० (१२.०१ टक्के) नमुने पॉझिटिव्ह आले आहेत. सध्या राज्यात २,८८,४८९ व्यक्ती होमक्वारंटाईनमध्ये आहेत तर २,२९९ व्यक्ती संस्थात्मक क्वारंटाईनमध्ये आहेत.

आज राज्यात ३,७४१ नवीन रुग्णांची नोंद झाली. आता राज्यातील करोना बाधित रुग्णांची एकूण संख्या ६४,६०,६८०  झाली आहे. राज्यातील जिल्हा आणि  मनपानिहाय रुग्णांचा तपशील पुढीलप्रमाणे –