कोरोनाबाधित आढळून आलेल्यांपेक्षा बरे होणारे जास्त: ओमायक्रॉनही आढळून आले २५ हजार नवे बाधित तर ३६ हजार बरे होवून घरी गेले

मराठी ई-बातम्या टीम

राज्यात आज नव्याने कोरोनाबाधित आढळून येणाऱ्यांच्या संख्येत मोठ्या प्रमाणावर घट झाली असून आढळून येणाऱ्यांपेक्षा बरे होणाऱ्यांची संख्या जास्त असल्याचे दिसून आले आहे. आज ३६,७०८ रुग्ण बरे होऊन घरी गेल्याने राज्यातील रुग्ण बरे होण्याचे प्रमाण (Recovery Rate) ९४.३२% एवढे झाले आहे. तर राज्यात २५,४२५ नवीन रुग्णांचे निदान झाले आहे. याशिवाय राज्यात आज ४२ करोना बाधित रुग्णांच्या मृत्यूंची नोंद झाली असून सध्या राज्यातील मृत्यूदर १.८६% एवढा आहे.

आजपर्यंत तपासण्यात आलेल्या ७,४०,१२,९५८ प्रयोगशाळा नमुन्यांपैकी ७६,३०,६०६ (१०.३१ टक्के) नमुने पॉझिटिव्ह आले आहेत. सध्या राज्यात १५,३१,१०८ व्यक्ती होम क्वारंटाईनमध्ये आहेत तर ३,२५९ व्यक्ती संस्थात्मक क्वारंटाईनमध्ये आहेत.

ओमायक्रॉन सर्वेक्षण विषयक माहिती –

आज राज्यात ७२ ओमायक्रॉन संसर्ग असणारे रुग्ण रिपोर्ट झाले आहेत. यापैकी ५१ रुग्ण राष्ट्रीय विषाणू विज्ञान संस्थेने  आणि २१ रुग्ण बी जे वैद्यकीय महाविद्यालय यांनी रिपोर्ट केले आहेत. ओमायक्रॉनचे रूग्ण पुणे मनपा- ३३, औरंगाबाद- १९, मुंबई आणि उस्मानाबाद – प्रत्येकी ५, ठाणे मनपा-३, यवतमाळ आणि अहमदनगर – प्रत्येकी २, नागपूर, पुणे ग्रामीण आणि लातूर- प्रत्येकी १ असे आढळून आले असून आजपर्यंत राज्यात  एकूण २९३०ओमायक्रॉन विषाणू बाधित रुग्ण रिपोर्ट झाले आहेत.

राज्यातील जिल्हा आणि  मनपानिहाय रुग्णांचा तपशील पुढीलप्रमाणे आहे-