९ दिवसानंतर कोरोना बाधितांची संख्येत घट: पण मुंबईसह उपनगरात संख्या चढीच मुंबईसह उपनगरात २३ हजार तर ओमायक्रॉन ३१

मराठी ई-बातम्या टीम

जवळपास डिसेंबर महिन्याच्या अखेरीस वाढीला लागलेली कोरोना आणि ओमायक्रॉन बाधितांची संख्या वाढ काल स्थिरावल्यानंतर आज त्यात घट झाल्याचे दिसून येत आहे. मात्र तरीही मुंबईसह उपनगरात जवळपास २३ हजार संख्या आढळून आलेली आहे. तर राज्यात ३३ हजार ४७० रूग्ण आढळून आले आहेत. मुंबईत आज १३ हजार ६४८ आणि उपनगरात १० हजार रूग्ण आढळून आले आहेत. तसेच राज्यातही १० हजार रूग्ण आढळून आले आहेत.

याशिवाय आज दिलासादायक गोष्ट म्हणजे राज्यात दिवसभरात आज २९ हजार ६७१ रुग्ण बरे होऊन घरी गेले आहेत. यामुळे राज्यातील रुग्ण बरे होण्याचे प्रमाण (Recovery Rate) ९४.९५% एवढे झाले आहे. राज्यात आज ८ करोना बाधित रुग्णांच्या मृत्यूंची नोंद. सध्या राज्यातील मृत्यूदर २.०३% एवढा आहे. आजपर्यंत तपासण्यात आलेल्या ७,०७,१८,९११ प्रयोगशाळा नमुन्यांपैकी  ६९,५३,५१४ (९.८३  टक्के) नमुने पॉझिटिव्ह आले आहेत. मात्र राज्यात होम क्वारंटाईन असलेल्या रूग्णांची संख्येत मोठ्या प्रमाणावर वाढ होत असून सध्या राज्यात १२ लाख ४६ हजार ७२९ व्यक्ती होमक्वारंटाईनमध्ये आहेत तर २५०५ व्यक्ती संस्थात्मक क्वारंटाईनमध्ये आहेत. त्यामुळे होम क्वारंटाईनमध्ये असणाऱ्यांची संख्या चिंता करायला लावणारी आहे.

ओमायक्रॉन सर्वेक्षण विषयक माहिती –

आज राज्यात ३१ओमायक्रॉन संसर्ग असणारे रुग्ण रिपोर्ट झाले आहेत. हे सर्व रुग्ण राष्ट्रीय रासायनिक प्रयोगशाळा यांनी रिपोर्ट केले आहेत. आज राज्यात ओमायक्रॉनचे पुणे मनपा – २८, पुणे ग्रामीण -२, पिंपरी चिंचवड –१ आदी ठिकाणी रूग्ण आढळून आले आहेत.

राज्यातील जिल्हा आणि  मनपानिहाय रुग्णांचा तपशील पुढीलप्रमाणे आहे-