मुंबई : प्रतिनिधी
आयकर विभागाने १ एप्रिल २०२१ ते १८ ऑक्टोबर २०२१ पर्यंत ६३.२३ लाख करदात्यांना ९२,९६१ कोटी रुपयांचा परतावा दिला आहे. यातील ६१.५३ लाख करदात्यांना वैयक्तिक आयकर परतावा म्हणून २३,०२६ कोटी रुपयांचा परतावा देण्यात आला आहे. त्याचवेळी १.६९ लाख करदात्यांना ६९,९३४ कोटी रुपयांचा कॉर्पोरेट कर परतावा देण्यात आला आहे.
असे तपासा तुमच्या परताव्याची स्थिती
– करदाते tin.tin.nsdl.com ला भेट देऊ शकतात.
– परताव्याची स्थिती तपासण्यासाठी पॅन क्रमांक आणि ज्या वर्षासाठी परतावा प्रलंबित आहे ते वर्ष ही माहिती भरणे आवश्यक आहे
– आता तुम्हाला खाली दिलेला कॅप्चा कोड भरावा लागेल.
– यानंतर Proced वर क्लिक करताच स्टेटस येईल.
– जर अद्याप परतावा प्राप्त झाला नसेल तर याचे कारण नवीन आयकर पोर्टल तपासा
नवीन आयकर पोर्टल असे तपासायचे
– आयकर वेबसाइट www.incometax.gov.in ला भेट द्या आणि तुमचे पॅन, यूजर आयडी आणि पासवर्ड टाकून खात्यात लॉग इन करा.
– लॉग इन केल्यानंतर ई-फाइल पर्यायावर क्लिक करा.
– ई-फाइल पर्यायाखाली प्राप्तिकर परतावा निवडा आणि नंतर दाखल केलेल्या रिटर्न पर्यायावर क्लिक करा.
– यानंतर तुम्ही दाखल केलेले नवीनतम ITR तपासा. तपशील पाहून पर्याय निवडा. त्यानंतर तुम्हाला आयटीआर दाखल केल्याची स्थिती दिसेल.
– यामध्ये तुम्हाला कर परतावा जारी करण्याची तारीख, परत केलेली रक्कम आणि या वर्षाची थकबाकी आणि कोणत्याही परताव्याच्या मंजुरीची तारीख दिसेल
कर परताव्याचा दावा करण्यासाठी ITR आवश्यक
जर तुम्हाला कर परताव्याचा दावा करायचा असेल तर त्यासाठी ITR दाखल करणे आवश्यक आहे. नोकरदारांनी आयटीआर १ व आयटीआर २ यापैकी एक अर्ज भरणे अनिवार्य असून हे अर्ज प्राप्तिकर खात्याच्या वेबसाइटवर उपलब्ध आहेत. जेव्हा तुम्ही आयटीआर भरता, तेव्हा आयकर विभाग त्याचे मूल्यांकन करते. जर तुमचा परतावा झाला असेल तर तो थेट बँक खात्यात जमा केला जातो.
परतावा म्हणजे काय?
वर्षभर आपल्या कर्मचाऱ्यांना पगार देताना कंपनी त्याच्या वेतनातून कराचा अंदाजे भाग कापून सरकारच्या खात्यात आगाऊ जमा करते. कर्मचारी वर्षाच्या शेवटी आयकर रिटर्न भरतात, ज्यात ते त्यांच्याकडून कर दायित्वाची रक्कम सांगतात. जर प्रत्यक्ष दायित्व आधी कापलेल्या रकमेपेक्षा कमी असेल तर शिल्लक रक्कम कर्मचाऱ्याला परतावा म्हणून मिळते.