Breaking News

आंतरराष्ट्रीय उड्डाणांवरील ६३३ दिवसांनी बंदी उठवली, पण या देशावंर बंदी कायम १५ डिसेंबरपासून परदेशी प्रवासाला जाता येणार

मुंबई: प्रतिनिधी

ख्रिसमस आणि नवीन वर्ष देशाबाहेर साजरे करण्याची योजना आखणाऱ्यांसाठी एक आनंदाची बातमी आहे. सरकारने १५ डिसेंबरपासून ६३३ दिवसांच्या बंदीनंतर आंतरराष्ट्रीय हवाई प्रवासाला परवानगी दिली आहे. गेल्या वर्षी कोरोना लॉकडाऊनच्या तीन दिवस आधी २२ मार्च रोजी  सरकारने आंतरराष्ट्रीय उड्डाणांवर बंदी घातली होती.

१४ देशांच्या प्रवासावर बंदी कायम

आता ज्या देशांमध्ये कोविडची परिस्थिती नियंत्रणात आहे तेथे हवाई प्रवास करता येणार आहे. मात्र,१४ देशांच्या प्रवासावरील बंदी अजूनही कायम राहणार आहे. यामध्ये यूके, फ्रान्स, जर्मनी, नेदरलँड, फिनलंड, दक्षिण आफ्रिका, ब्राझील, चीन, मॉरिशस, सिंगापूर, बांगलादेश, बोत्सवाना, झिम्बाब्वे आणि न्यूझीलंड यांचा समावेश आहे. कोरोना विषाणूचे नवीन प्रकार पाहता सरकारने हा निर्णय घेतला आहे. १४ पैकी अनेक देशांसोबत ज्यांच्या हवाई प्रवासावर अद्याप सरकारने बंदी घातली आहे. त्यांच्याशी हवाई बबल करारांतर्गत फ्लाइट सेवा सुरू आहे. सध्‍या भारताकडे US, UK, UAE सह ३१ देशांसोबत हवाई बबल व्यवस्था आहे.

देशांतर्गत पूर्ण क्षमतेने उड्डाण करण्यास परवानगी

लॉकडाऊन दरम्यान आंतरराष्ट्रीय विमानांप्रमाणेच देशांतर्गत उड्डाणांवरही बंदी घालण्यात आली होती. तथापि, दोन महिन्यांच्या विश्रांतीनंतर मे २०२० मध्ये मर्यादित क्षमतेसह देशांतर्गत उड्डाणे सुरू करण्यात आली. गेल्या महिन्यातच देशांतर्गत उड्डाणांना पूर्ण क्षमतेने उड्डाण करण्याची  परवानगी देण्यात आली आहे.

विमान कंपन्यांना फटका

कोरोना काळात विमान सेवा ठप्प झाल्याने सर्वच विमान कंपन्यांना मोठा आर्थिक फटका बसला. आंतरराष्ट्रीय उड्डाणे लांबल्यानेही बहुतांश विमान कंपन्यांच्या आर्थिक परिस्थितीवर परिणाम झाला आहे. विस्ताराने म्हटले होते की, विमान वाहतूक क्षेत्राच्या पुनरुज्जीवनाचे सर्व अंदाज चुकीचे ठरले आहेत. त्यामुळे विमान वाहतूक उद्योग पूर्णपणे संकटातून बाहेर पडला आहे, असे म्हणणे घाईचे आहे.

आंतरराष्ट्रीय प्रवास करण्यापूर्वी या गोष्टी लक्षात ठेवा

  1. जर तुम्ही परदेश दौऱ्यावर जाणार असाल तर तुम्हाला ही माहिती कोविन अॅपवर द्यावी लागेल. तुम्हाला तुमचा पासपोर्ट तपशील कोविनवर द्यावा लागेल.
  2. तुम्ही पूर्णपणे लसीकरण केलेले असणे आवश्यक आहे. जर तुम्हाला लसीचा एकच डोस मिळाला असेल, तर तुम्ही प्रवास करू शकणार नाही. दोन्ही डोसचे प्रमाणपत्र असणे आवश्यक आहे.
  3. प्रवास करण्यापूर्वी आरटी-पीसीआर चाचणी आवश्यक आहे. तुम्हाला वेगवेगळ्या देशांमध्ये हा चाचणीचा रिपोर्ट विचारला जाऊ शकतो. चाचणी रिपोर्ट एका आठवड्यापेक्षा जास्त जुना नसावा.

Check Also

विमा दाव्याच्या सेटलमेंटमध्ये एलआयसी तिसऱ्या क्रमांकावर कंपन्यांचा रेशो ९० टक्क्यांपेक्षा जास्त

मराठी ई-बातम्या टीम आर्थिक वर्ष २०२०-२१ मध्ये जीवन विमा कंपन्यांनी ९० टक्क्यांपेक्षा जास्त क्लेम सेटलमेंट केले आहे. यामध्ये देशातील सर्वात मोठी विमा कंपनी एलआयसी तिसऱ्या क्रमांकावर आहे. भारतीय विमा नियामक …

Leave a Reply

Your email address will not be published. Required fields are marked *