Breaking News

स्वस्तात सोने खरेदी करण्याची सुवर्णसंधी सुवर्ण रोखे योजना सोमवारपासून सुरू

मुंबई: प्रतिनिधी

सरकार तुम्हाला पुन्हा एकदा सॉवरेन गोल्ड बाँडमध्ये (सुवर्ण रोखे) गुंतवणूक करण्याची संधी देत आहे. सॉवरेन गोल्ड बाँड २०२१-२२ अंतर्गत २९ नोव्हेंबर ते ३ डिसेंबर या कालावधीत सोन्यात गुंतवणूक करण्याची संधी असेल. यावेळी सरकारने गोल्ड बाँडची किंमत ४,७९१ रुपये प्रति ग्रॅम निश्चित केली आहे. ऑनलाइन अर्ज करण्यासाठी आणि डिजिटल पेमेंट करण्यासाठी तुम्हाला प्रति ग्रॅम ५० रुपये सूट मिळेल. म्हणजेच १० ग्रॅम सोन्यासाठी तुम्हाला ४७,४१० रुपये मोजावे लागतील.

सॉवरेन गोल्ड बाँड हा सरकारी रोखे आहे, जो आरबीआयने जारी केला आहे. ते डीमॅट स्वरूपात रूपांतरित केले जाऊ शकते. त्याची किंमत सोन्याच्या वजनात आहे. जर बाँडची किंमत पाच ग्रॅम सोन्याची असेल, तर रोख्याचे मूल्य पाच ग्रॅम सोन्याच्या किमतीएवढे असेल. खरेदीसाठी इश्यू किंमत सेबीच्या अधिकृत ब्रोकरला द्यावी लागेल. बाँड विकल्यानंतर गुंतवणूकदाराच्या खात्यात पैसे जमा होतात. गोल्ड बाँड्स इश्यू किमतीवर वार्षिक २.५०% निश्चित व्याज दर देतात. हे पैसे दर ६ महिन्यांनी तुमच्या खात्यात पोहोचतात. मात्र, त्यावर स्लॅबनुसार कर भरावा लागेल.

गोल्ड बाँड्समध्ये शुद्धतेबद्दल काळजी करण्याची गरज नाही. नॅशनल स्टॉक एक्सचेंज (NSE) नुसार, गोल्ड बाँडची किंमत इंडियन बुलियन अँड ज्वेलर्स असोसिएशन (IBJA) द्वारे प्रकाशित २४ कॅरेट शुद्ध सोन्याच्या किंमतीशी जोडलेली आहे. यासोबतच ते डिमॅट स्वरूपात ठेवता येते, जे अगदी सुरक्षित आहे आणि त्यावर कोणताही खर्च नाही.

गोल़्ड बाँड योजनेच्या इश्यू प्राइसवर दर वर्षी २.५० टक्के दराने निश्चित व्याज मिळते. व्याजाची रक्कम दर सहा महिन्यांनी गुंतवणूकदाराच्या खात्यात जमा केली जाते.या योजनेतील गुंतवणुकीवर ८ वर्षांच्या मुदतपूर्तीनंतर मिळणाऱ्या लाभावरही कोणताही कर आकारला जात नाही. दर सहा महिन्यांनी मिळणाऱ्या व्याजावरही टीडीएस आकारला जात नाही.

यामध्ये गुंतवणुकीसाठी आरबीआयने अनेक पर्याय दिले आहेत. बँक शाखा, पोस्ट ऑफिस, स्टॉक एक्सचेंज आणि स्टॉक होल्डिंग कॉर्पोरेशन ऑफ इंडिया (SHCIL) द्वारे गुंतवणूक केली जाऊ शकते. गुंतवणूकदाराला एक अर्ज भरावा लागतो. यानंतर तुमच्या खात्यातून पैसे कापले जातील आणि हे रोखे तुमच्या डीमॅट खात्यात हस्तांतरित केले जातील.

गुंतवणूक करण्यासाठी पॅन अनिवार्य आहे. हे रोखे सर्व बँका, स्टॉक होल्डिंग कॉर्पोरेशन ऑफ इंडिया लिमिटेड (SHCIL), मान्यताप्राप्त स्टॉक एक्सचेंज, नॅशनल स्टॉक एक्सचेंज ऑफ इंडिया लिमिटेड (NSE) आणि बॉम्बे स्टॉक एक्सचेंज लिमिटेड (BSE) द्वारे विकले जातील.

२०१५-१६ मध्ये जेव्हा सार्वभौम सुवर्ण बाँड योजना सुरू करण्यात आली तेव्हा त्याची प्रति ग्रॅम किंमत २,६८४ रुपये होती. यावर ५० रुपयांची सूट होती. म्हणजेच किंमत २,६३४ रुपयांवर गेली होती. नुकत्याच लाँच झालेल्या सॉवरेन गोल्ड बाँडच्या मालिकेची किंमत ४,७६५ रुपये आहे. ५० रुपयांच्या सूटसह, ही किंमत आता ४,७९१ रुपयांवर आली आहे. अशा प्रकारे, मागील ६ वर्षात, योजनेने ८२% परतावा दिला आहे.

Check Also

विमा दाव्याच्या सेटलमेंटमध्ये एलआयसी तिसऱ्या क्रमांकावर कंपन्यांचा रेशो ९० टक्क्यांपेक्षा जास्त

मराठी ई-बातम्या टीम आर्थिक वर्ष २०२०-२१ मध्ये जीवन विमा कंपन्यांनी ९० टक्क्यांपेक्षा जास्त क्लेम सेटलमेंट केले आहे. यामध्ये देशातील सर्वात मोठी विमा कंपनी एलआयसी तिसऱ्या क्रमांकावर आहे. भारतीय विमा नियामक …

Leave a Reply

Your email address will not be published. Required fields are marked *