मुंबईः प्रतिनिधी
सरकारने देशातील कोट्यवधी कर्मचाऱ्यांच्या पीएफ खात्यात व्याज जमा करण्यास सुरुवात केली आहे. २०२०-२१ या आर्थिक वर्षासाठी सरकार EPF बचतीवर ८.५ टक्के दराने व्याज देत आहे. व्याजाचे पैसे पीएफ खात्यात आले की नाही, ते तुम्ही घरी बसून पाहू शकता. याशिवाय जर तुमच्या खात्यात व्याजाची रक्कम जमा झाली नसेल, तर तुम्ही त्याबद्दल तक्रारही करू शकता.
पीएफ शिल्लक जाणून घेण्यासाठी अनेक वेळा टोल फ्री क्रमांकावर मिस्ड कॉल दिल्यावर तो एकतर काम करत नाही किंवा व्यस्त असल्याचे दिसते. अशा परिस्थितीत इतर पर्याय निवडून तुम्ही एका मिनिटात तुमची शिल्लक जाणून घेऊ शकता.
पीएफ शिल्लक चार प्रकारे तपासता येते.
1. मिस्ड कॉलद्वारे शिल्लक तपासा
2. एसएमएसद्वारे
3. EPFO वेबसाइटद्वारे
4. उमंग अॅपद्वारे
एसएमएसद्वारे १ मिनिटात शिल्लक कळेल
यासाठी तुमचा UAN क्रमांक ईपीएफओकडे नोंदणीकृत असणे आवश्यक आहे. तुम्हाला 7738299899 वर ‘EPFOHO UAN ENG’ हा एसएमएस पाठवावा लागेल. ही सेवा इंग्रजी, हिंदी, पंजाबीसह १० वेगवेगळ्या भाषांमध्ये आहे.
मिस्ड कॉलद्वारे शिल्लक तपासा
यासाठी नोंदणीकृत मोबाईल क्रमांकावरून 011 22901406 वर मिस्ड कॉल द्या. येथे तुमचा UAN, PAN आणि आधार लिंक असणे देखील आवश्यक आहे. या नंबरवर मिस्ड कॉल केल्यानंतर तुमची शिल्लक येईल.
व्याज न मिळाल्यास येथे तक्रार करा
यासाठी तुम्हाला https://epfigms.gov.in/ या वेबसाइटवर जावे लागेल. या वेबसाइटला भेट देऊन, तुम्हाला Register Grievance वर क्लिक करावे लागेल. यानंतर पीएफ सदस्य, ईपीएफ पेन्शनर, नियोक्ता, इतरांमध्ये तुमची स्थिती निवडा, त्यानंतर पीएफ खात्याशी संबंधित तक्रारीसाठी पीएफ सदस्य निवडा. या सर्व प्रक्रिया पूर्ण झाल्यानंतर UAN क्रमांक आणि सुरक्षा कोड प्रविष्ट करा आणि Get Details वर क्लिक करा. त्यानंतर UAN शी जोडलेल्या खात्यातून वैयक्तिक माहिती दिसेल.
त्यानंतर Get OTP वर क्लिक करा. तुमच्या नोंदणीकृत मोबाईल नंबरवर OTP येईल. तुम्ही ओटीपी सबमिट करताच, वैयक्तिक तपशील भरल्यानंतर, ज्या पीएफ क्रमांकावर तक्रार दाखल करायची आहे त्यावर क्लिक करा. त्यानंतर एक पॉप अप येईल. येथे तुम्हाला पीएफ ऑफिसर, एम्प्लॉयर, एम्प्लॉयी डिपॉझिट लिंक्ड इन्शुरन्स स्कीम किंवा एक्स-पेन्शन यापैकी एक पर्याय निवडावा लागेल. तपशील आणि आवश्यक कागदपत्रे अपलोड करा आणि सबमिट वर क्लिक करा. यानंतर तुमची तक्रार नोंदवली जाईल आणि नोंदणीकृत मोबाईल क्रमांक आणि ईमेलवर तक्रार नोंदणी क्रमांक येईल.
Tags are you not get the rate of interest in your PF account then use this ways. for compliant pf account rate of interest
Check Also
गुंतवणूकदारांसाठी खुषखबरः या तीन कंपन्यांचे आयपीओ बाजारात ९ कंपन्या होणार सूची बध्द
भारतीय आयपीओ बाजारात येत्या आठवड्यात तीन कंपन्यांचे आयपीओ सबस्क्रिप्शनसाठी खुल्या होणार आहेत. तर नऊ कंपन्या …