पदम् विभूषण जगविख्यात तबला नवाज झाकिर हुसैन अमेरिकेच्या रूग्णालयात दाखल हृदयाच्या आजारामुळे सॅन फ्रान्सिस्को येथील रूग्णालयात अॅडमिट केले

जगविख्यात तबलावादक झाकिर हुसैन (७३) हे सध्या सॅन फ्रान्सिस्को येथील रुग्णालयाच्या आयसीयूमध्ये दाखल करण्यात आले असून, ते एका गंभीर आरोग्य समस्येशी झुंज देत आहेत. तबला नवाज आणि जगविख्यात तबला वादक म्हणून प्रसिद्ध असलेले झाकिर हुसैन यांना हृदयाशी संबंधित आजारांमुळे रुग्णालयात दाखल करण्यात आल्याची झाकमाहिती त्यांचे मित्र आणि बासरीवादक राकेश चौरसिया यांनी वृत्तसंस्थेशी बोलताना दिली.

राकेश चौरसिया म्हणाले की, गेल्या आठवड्यापासून त्यांना हृदयाशी संबंधित समस्येसाठी सॅन फ्रान्सिस्को येथील रुग्णालयात दाखल करण्यात आले आहे. त्यांची तब्येत बिघडली असून त्यांना सध्या आयसीयूमध्ये दाखल करण्यात आले आहे. आम्ही सर्व परिस्थितीबद्दल चिंतित आहोत, असेही यावेळी सांगितले.

झाकिर हुसैनच्या जवळच्या सूत्रांनी उघड केले की पद्मभूषण प्राप्तकर्त्याला रक्तदाबाचा त्रास होत आहे, ज्यामुळे त्याच्या प्रकृतीबद्दल चिंता वाढली आहे. झाकिर हुसैन यांच्या आरोग्याच्या बाबत माहिती दुर्मिळ असताना त्याच्या कुटुंबाने त्याच्या लवकर बरे होण्यासाठी प्रार्थना करत असल्याचा दावा बिझनेस टुडेने आपल्या वृत्तातून केला आहे.

एका रात्रीत तीन ग्रॅमी पुरस्कार जिंकणारा पहिला भारतीय म्हणून नुकताच इतिहास रचणारा प्रतिष्ठित तबला वादक, भारताच्या महान सांस्कृतिक राजदूतांपैकी एक म्हणून झाकिर हुसैन यांची ओळख आहे. १९५१ मध्ये मुंबईत दिग्गज तबला वादक अल्ला राखा यांच्या पोटी जन्मलेल्या झाकिर हुसैन यांनी वयाच्या १२ व्या वर्षी मैफिलीत सादरीकरण करत तालवाद्याची आवड दाखवली.

गेल्या काही वर्षांत, झाकिर हुसैन यांनी द बीटल्ससह जागतिक दिग्गजांसह सहयोग केले आणि शास्त्रीय आणि समकालीन संगीतकार म्हणून आपले नाव कोरले. झाकिर हुसैन यांच्या भारतीय संगीतातील योगदानामुळे त्यांना पद्मश्री आणि संगीत नाटक अकादमी पुरस्कार यांसारखे प्रतिष्ठित सन्मान मिळाले आहेत.

जगभरातील चाहते त्यांच्या तबला वादनाची आतुरतेने वाट पाहतात, झाकिर हुसैन यांना रूग्णालयातून लवकर डिस्चार्ड मिळावा आणि बरे वाटावे यासाठी प्रार्थना केल्या जात आहेत.