कोरोना : केंद्राची बंद पडली वेबसाईट ३ हजार २७७ राज्यात बाधित तर मृतकांची संख्या ८५

मुंबई: प्रतिनिधी

राज्यातील दैंनदिन बरे झालेले आणि बाधित रूग्णांची संख्या कळविणारे संकेतस्थळच आज काही तांत्रिक कारणामुळे बंद पडली. त्यामुळे महाराष्ट्रात आज दैंनदिन बरे झालेल्या रूग्णांची आकडेवारी उपलब्ध झाली नाही. तसेच एकूण मृतक रूग्णांची संख्या कळू शकली नाही. मात्र या पध्दतीची स्वतंत्र यंत्रणा राज्य सरकारकडे उपलब्ध नसल्याने आरोग्य विभागानेच एकप्रकारे राज्य सरकारने आज दिली.

केंद्र शासनाच्या कोविड पोर्टल नुसार https://covid19.nhp.gov.in/ बंद पडले. त्यामुळे  राज्यातील बरे झालेल्या रुग्णांची आणि मृत्यूंची दैनंदिन माहिती अद्ययावत करण्यात येते तथापि आज कोविड पोर्टल तांत्रिक कारणाने बंद असल्याने दैनंदिन बरे झालेल्या रुग्णांची आणि मृत्यूंची माहिती प्राप्त होऊ शकलेली नसल्याचे कोरोनाविषयक साथरोग एक्तामिक योजनेच्यावतीने जारी करण्यात येत असलेल्या विभागाकडून प्रसिध्दीपत्रकान्वये देण्यात आली.

मात्र राज्यात उपलब्ध असलेल्या यंत्रणेमार्फत आज ३,२७७ इतक्या नव्या रूग्णांचे निदान झाले असून मुंबईतल्या २० बाधित मृतकांची नोंद फक्त उपलब्ध झाली आहे. तर यापूर्वीच्या ६५ मृतकांच्या संख्येची नोंद यात समाविष्ट करण्यात आली आहे. त्यामुळे राज्यातील मृत्यू दर २.६३ टक्के एवढा असल्याचे आढळून आले आहे. आजपर्यंत तपासण्यात आलेल्या ९४,८२,९४० प्रयोगशाळा नमुन्यांपैकी १७,२३,१३५ (१८.१७ टक्के ) नमुने पॉझिटिव्ह आले आहेत. सध्या राज्यात १०,३८,५०० व्यक्ती होमक्वारंटाईनमध्ये आहेत तर ७,५८६ व्यक्ती संस्थात्मक क्वारंटाईनमध्ये असून राज्यातील करोना बाधित रुग्णांची एकूण संख्या १७,२३,१३५ वर पोहोचल्याची माहिती आरोग्य मंत्री राजेश टोपे यांनी दिली.

राज्यातील जिल्हा आणि मनपानिहाय रुग्णांचा तपशील पुढीलप्रमाणे –