कोरोना: दोन महिन्यानंतर मुंबईतील संख्या हजाराच्या आत मात्र उपनगरात वाढच ४८७८ नवे रूग्ण तर २४५ रूग्णांच्या मृत्यूची नोंद

मुंबई: प्रतिनिधी
मागील दोन महिन्यापासून मुंबईतील कोरोनाग्रस्तांच्या संख्येने १२०० ते २८००च्या दरम्यान वाढीव रहात असे. मात्र आज पहिल्यांदाच मुंबई महानगर पालिका हद्दीत ८९३ इतक्या कमी प्रमाणात रूग्ण आढळून आले आहेत. कालही शहरामध्ये १२४५ च्या जवळपास संख्या होती. परंतु उपनगरातील ठाणे जिल्हा ५५० हून अधिक, नवी मुंबई १९५, कल्याण डोंबिवली ४३५, उल्हासनगर १५५, मीरा भांईदर १९६, वसई विरार २३६ इतकी वाढीव स्वरूपात आढळून आली.
मागील २४ तासात १९५१ रुग्ण बरे होऊन घरी गेल्याने बरे होणाऱ्यांची संख्या ९०,९११ वर पोहोचली आहे. यामुळे राज्यातील रुग्ण बरे होण्याचे प्रमाण (Recovery Rate) ५२.०२ % एवढे झाले आहे. तर राज्यात आज ४८७८ नवीन रुग्णांचे निदान झाल्याने एकूण रूग्ण संख्या १ लाख ७४ हजार ७६१ तर अॅक्टीव्ह रूग्णांची संख्या ७५ हजार ९७१ वर पोहोचली आहे. याशिवाय राज्यात आज २४५ करोना बाधित रुग्णांच्या मृत्यूंची नोंद झाली असून यापैकी ९५ मृत्यू मागील ४८ तासांमधील तर उर्वरित १५० मृत्यू मागील कालावधीतील असल्याने मृत्यूदर ४.४९ % इतका असल्याची माहिती आरोग्य मंत्री राजेश टोपे यांनी दिली.
आजपर्यंत पाठविण्यात आलेल्या ९,६६,७२३ प्रयोगशाळा नमुन्यांपैकी १,७४,७६१(१८.०७ टक्के ) नमुने पॉझिटिव्ह आले आहेत. सध्या राज्यात ५,७८,०३३ लोक होम क्वारंटाईनमध्ये आहेत तर ३८,८६६ लोक संस्थात्मक क्वारंटाईनमध्ये आहेत.
जिल्हानिहाय दैंनदिन बाधीत रूग्ण आणि मृतकांची संख्या

जिल्हानिहाय एकूण रूग्ण आणि बाधित रूग्णांची संख्या