कोरोना: बरे होणाऱ्यांच्या संख्येत मोठी प्रगती तर नव्या रूग्णांच्या संख्येत वाढ ३३०७ नवे रूग्ण, ११४ जणांचा मृत्यू तर ५१ हजारावर अॅक्टीव्ह रूग्ण

मुंबई: प्रतिनिधी
राज्यातील कोरोनाग्रस्त रूग्णांच्या संख्येवर नियंत्रण मिळविण्यात राज्याच्या आरोग्य यंत्रणेला यश असल्याचे दिसून येत आहे. मात्र दुसऱ्याबाजूला बाधीत रूग्णांची संख्याही दिवसागणिक कमी-जास्त होत असल्याने नवे रूग्णही संख्येने आढळून येत आहेत. मागील २४ तासात ३३०७ नव्या रूग्णांचे निदान तर ११४ जणांच्या मृत्यूची नोंद झाली आहे. आज १३१५ जण बरे होवून घरी गेल्याने बरे होणाऱ्यांच्या संख्या ५९ हजार १६६ वर पोहोचल्याची माहिती आरोग्य मंत्री राजेश टोपे यांनी सांगितले.
राज्यातील रुग्ण बरे होण्याचे प्रमाण ( Recovery Rate ) ५०.६८ % एवढा आहे. राज्यातील मृत्यू दर – ४.८४ %. सध्या राज्यात ५,८२,६९९ लोक होमक्वारंटाईनमध्ये आहेत. राज्यात १५५५ संस्थात्मक क्वारंटाईन सुविधांमध्ये ८०,५४५ खाटा उपलब्ध असून सध्या २७,५८२ लोक संस्थात्मक क्वारंटाईनमध्ये आहेत. राज्यात सध्या ५५ शासकीय आणि ४३ खाजगी अशा एकूण ९८ प्रयोगशाळा कोविड१९ निदानासाठी कार्यरत आहेत. आजपर्यंत पाठविण्यात आलेल्या ७,००,९५४ नमुन्यांपैकी १,१६,७५२ ( १६.६५ टक्के ) नमुने पॉझिटिव्ह आले आहेत.

मृत्यू –राज्यात ११४ करोना बाधित रुग्णांच्या मृत्यूची नोंद आज झाली आहे. आज नोंद झालेल्या मृत्यूंपैकी आरोग्यमंडळ निहाय मृत्यू खालील प्रमाणे आहेत –

जिल्हानिहाय बाधीत रूग्ण, मृत पावलेल्यांची संख्या, अॅक्टीव्ह रूग्णांची संख्या