कोरोना: आज महिन्यातील सर्वाधिक बरे होणारे, नवे रूग्ण आणि चाचण्यांचा टप्पा ६ हजार ३३० नवे सर्वाधिक रूग्ण तर १२५ मृतकांची नोंद

मुंबई: प्रतिनिधी
राज्यातील कोरोनाग्रस्तांचे बरे होण्याचे प्रमाण मोठ्या प्रमाणात वाढत असले तरी बाधितांची संख्यांही चांगलीच वाढताना दिसत आहे. मागील २४ तासात ८ हजार १८ रूग्ण बरे होवून घरी गेले. तर आतापर्यंतची सर्वाधिक रूग्ण अर्थात ६ हजार ३३० रूग्णांचे निदान झाले. तर १२५ मृतकांची नोंद झाली असून घरी जाणाऱ्यांची संख्या १ लाख १ हजारावर तर एकूण रूग्णांची संख्या १ लाख ८६ हजार ६२६ वर पोहोचली असून अॅक्टीव्ह रूग्णांची संख्या ७७ हजार २६० वर पोहोचली आहे.
संख्या वाढणाऱ्या जिल्ह्यामध्ये मुंबईचा समावेश होत असून आज शहरात १५५४ रूग्णांची नोंद झाली असून त्यानंतर महानगरातील सर्वच शहर आणि जिल्ह्यांमध्ये बाधितांची संख्या वाढताना दिसत आहे.
आजपर्यंत पाठविण्यात आलेल्या १०,२०,३६८ प्रयोगशाळा नमुन्यांपैकी १,८६,६२(१८.२९ टक्के ) नमुने पॉझिटिव्ह आले आहेत. राज्यात सध्या ६४ शासकीय आणि ५० खाजगी अशा एकूण ११४ प्रयोगशाळा कोविड १९ निदानासाठी कार्यरत असून दर दशलक्ष लोकसंख्येमागे राज्यातील चाचण्यांचे प्रमाण ७७१५ एवढे आहे. हे प्रमाण देशपातळीवर ६३३४ एवढे आहे. १ जुलै २०२० देशभरात ९०,५६,१७३ प्रयोगशाळा चाचण्या झाल्या असून त्यातील ११.२६ टक्के चाचण्या महाराष्ट्रात झाल्या आहेत. सध्या राज्यात ५,७२,०३२ लोक होम क्वारंटाईनमध्ये आहेत तर ४१,७४१ लोक संस्थात्मक क्वारंटाईनमध्ये असल्याची माहिती आरोग्यमंत्री राजेश टोपे यांनी दिली.
राज्यात आज १२५ करोना बाधित रुग्णांच्या मृत्यूंची नोंद. यापैकी ११० मृत्यू मागील ४८ तासांमधील तर उर्वरित १५ मृत्यू मागील कालावधीतील आहेत. सध्या राज्यातील मृत्यूदर ४.३८ % एवढा असल्याचे त्यांनी सांगितले.

दैंनदिन रूग्ण आणि मृतकांची संख्या

(टीप– आज राज्यात एकूण नोंदविलेल्या १२५ मृत्यूंपैकी ११० मृत्यू हे मागील ४८ तासातील आहेत आणि १५ मृत्यू हे त्यापूर्वीच्या कालावधीतील आहेत. या मृत्यूंमध्ये मुंबईतील १, नवी मुंबई -१, जळगाव – ४, पुणे -३, सातारा -३, औरंगाबाद -२ आणि बुलढाणा -१  यांचा समावेश आहे. हे १५ मृत्यू दैनंदिन स्वरुपात न दाखविता प्रगतीपर आकडेवारीत समाविष्ट करण्यात आलेले आहेत.)

जिल्हानिहाय बाधित संख्या, एकूण संख्या आणि मृतकांची संख्या