कोरोना: २४ तासात ० मृत्यू ? मात्र ४८ तास आणि तत्पूर्वी मिळून ११३ जणांचा अंत ३ हजार ७२१ नवे रूग्ण, घरी जाणारे ६७ हजार तर अॅक्टीव्ह ६१ हजार

मुंबई: प्रतिनिधी
राज्यातील दररोज बाधित आणि मृतकांच्या संख्येत मोठ्या प्रमाणावर वाढ होत आहे. मात्र मागील २४ तासात मुंबईसह महाराष्ट्रात ३७२१ नव्या रूग्णांचे निदान झालेले असताना २४ तासात मृत्यू पावलेल्यांची नोंद आज आरोग्य विभागाने पाठविलेल्या प्रसिध्दी पत्रकात दाखविण्यात आली नाही. मात्र मागील ४८ तासात ६२ जणांचा तर ५१ जणांचा यापूर्वीच मृत्यू झालेल्यांची संख्या असल्याचे सांगत मुंबईतील ४६, वसई विरार -२, रायगड -२ व कल्याण डोंबिवली १ यांचा समावेश आहे. हे ५१ मृत्यू दैनंदिन स्वरुपात न दाखविता प्रगतीपर आकडेवारीत समाविष्ट करण्यात आलेले असल्याचे आरोग्य विभागाने आपल्या प्रसिध्दीपत्रकात स्पष्ट केले आहे.
त्यामुळे राज्यात २२ जूनला नेमका मृतकांची संख्या कळू शकली नाही. दरम्यान मुंबई महापालिकेने जाहीर केलेल्या त्यांच्या आकडेवारीनुसार मुंबईत २० जणांचा मृत्यू तर ११२८ नवे रूग्णांचे निदान झाल्याचे स्पष्ट केले आहे.
दरम्यान राज्यातील अॅक्टीव्ह रूग्णांची संख्या ६१ हजार ७९३ वर पोहोचली आहे. तर बरे होवून घरी गेलेल्यांची संख्या ६७ हजार ७०६ वर पोहोचली आहे.
यासंदर्भात राज्याच्या साथ रोग नियंत्रणचे प्रमुख डॉ. प्रदीप आवटे आणि आरोग्य मंत्री राजेश टोपे यांच्याशी संपर्क साधण्याचा प्रयत्न केला असता त्यांच्याशी संपर्क होवू शकला नाही.