कोरोना: महिन्यात ५० हजाराने रूग्ण तर बरे होणारे लाखाने वाढले ७८२७ नवे बाधित, १७३ मृतकांची नोंद, ३३४० जण बरे होवून घरी

मुंबई: प्रतिनिधी
साधारणत: एक महिन्यापूर्वी अर्थात १२ जून २०२० रोजी राज्यातील कोरोनाबाधीतांची संख्या १ लाख १ हजार १४१ वर होती. तर बरे होणाऱ्यांची संख्या ४७ हजार ७९६ होती. त्यानंतर तब्बल एक महिन्यानंतर १२ जुलै २०२० रोजी म्हणजे आज एकूण बाधित रूग्णांच्या संख्येत वाढ होत एक महिन्यापूर्वीच्या १ लाख ३ हजार ५१६ संख्येवर पोहोचली आहे. तसेच एक महिन्यापूर्वी ४७ हजार ७९६ वर असलेली बरे होणाऱ्यांची संख्या आजस्थितीला १ लाख ४० हजार ३२५ वर पोहोचली आहे. त्यामुळे बरे होणाऱ्यांची संख्याही १ लाखाने वाढली. तर बाधित रूग्णांच्या संख्येत ५०,१७१ हजाराने वाढ होत पुन्हा महिनाभरात १ लाखाची संख्या पार केल्याचे दिसून येत आहे.
काल २४ तासात ९९ हजारावर बाधितांची संख्येत आज त्यात ७८२७ कोरोनाबाधितांची नव्याने भर पडल्याने बाधित रूग्णांच्या संख्येने तब्बल १ लाख ३ हजार ५१६ वर पोहोचली आहे. तर एकूण रूग्ण संख्या २ लाख ५४ हजार ४२७ वर पोहोचली. १७३ जणांच्या मृत्यूची २४ तासात नोंद झाली आहे. राज्यातील रुग्ण बरे होण्याचे प्रमाण (Recovery Rate) ५५.१५% एवढे झाले आहे. सध्या राज्यातील मृत्यूदर ४.०४ % एवढा आहे. आजपर्यंत तपासण्यात आलेल्या १३,१७,८९५ प्रयोगशाळा नमुन्यांपैकी २,५४,४२७ (१९.३ टक्के ) नमुने पॉझिटिव्ह आले आहेत. सध्या राज्यात ६,८६,१५० व्यक्ती होमक्वारंटाईनमध्ये आहेत तर ४७,८०१ व्यक्ती संस्थात्मक क्वारंटाईनमध्ये असल्याची माहिती राज्याचे आरोग्य मंत्री राजेश टोपे यांनी दिली.

जिल्हा आणि मनपानिहाय रुग्णांचा तपशील पुढीलप्रमाणे –

. राज्यातील जिल्हानिहाय ऍक्टिव्ह रुग्णांचा तपशील खालीलप्रमाणे –