मुंबई: प्रतिनिधी
कोविड विरोधी लढ्यात सर्वात पुढे असलेल्या राज्यातील पोलिसांच्या मदतीसाठी बायजुस अॅपने पुढाकार घेतला आहे. पोलिसांच्या पाल्यांना अर्थात शालेय मुलांना विनाशुल्क बायजुस-द लर्निग अॅप कंपनीने ऑनलाईन शिक्षणासाठी त्यांचे अॅप उपलब्ध करून देण्याचा निर्णय घेत पोलिसांना एक आगळी वेगळी मदत करण्याचा निर्णय घेतला आहे.
सध्या लॉकडाऊनमध्ये शिथिलता देण्यात आलेली असली तरी शाळा, महाविद्यालयांना प्रत्यक्ष सुरु करण्यास केंद्र आणि राज्य सरकारने अद्याप परवानगी दिलेली नाही. त्यामुळे शालेय विद्यार्थ्यांना ऑनलाईन अथवा डिजीटल पध्दतीने शिक्षण देण्यास परवानगी दिली. तसेच अशा पध्दतीच्या शैक्षणिक कार्यक्रमाचा आजच शुमारंभ मुख्यमंत्री उध्दव ठाकरे यांच्या हस्ते करण्यात आला.
त्यामुळे कोरोनाग्रस्त भागातील शालेय विद्यार्थ्यांना ऑनलाईन, डिजीटल पध्दतीचे शिक्षण उपलब्ध होणार आहे. यापार्श्वभूमीवर राज्यातील पोलिसांची मुलंही शाळेत जात असणार आहेत. त्यामुळे या मुलांना चांगल्या पध्दतीने ऑनलाईन शिक्षण मिळावे याकरिता हे अॅपच राज्यातील पोलिसांच्या मुलांना विनाशुल्क देण्याचा निर्णय घेण्यात आल्याची माहिती महाराष्ट्र पोलिस महासंचालक कार्यालयाने ट्विटरच्या माध्यमातून दिली. तसेच हे विनामूल्य अॅप दिल्याबद्दल पोलिस महासंचालकांनी बायजुस- द लर्मिग अॅप कंपनीचे आभार मानले आहे.
Tags byjus app covid-19 digital education maharashtra police online education
Check Also
नाना पटोले यांचा सवाल महागाई, बेरोजगारीसारख्या प्रश्नावर भाजपा गप्प का?
लोकसभा निवडणुकीच्या पहिल्या टप्प्यातील प्रचाराच्या शेवटच्या दिवशीही काँग्रेस नेत्यांनी प्रचाराचा धडाका लावला. लोकसभेची निवडणूक जनतेने …