कोरोना: राज्यात ७ हजार ७४ नव्या रूग्णांसह संख्या २ लाखावर ३३९५ जणांना घरी सोडले, २९३ जणांचा मृत्यू, अॅक्टीव्ह रूग्णांची संख्या ८३ हजारावर

मुंबई: प्रतिनिधी
राज्यातील सर्वाधिक कोरोनाग्रस्तांची संख्येचे शहर म्हणून आता ठाणे जिल्ह्याची नोंद करावी लागणार आहे. मागील अनेक दिवसांपासून मुंबई शहराचे नाव घेण्यात येत होते. मात्र आज मुंबईतील अॅक्टीव्ह रूग्णांची संख्या २४ हजार ९३६ तर ठाणे जिल्ह्यात २६ हजार ७२७ वर पोहोचली आहे. तसेच २४ तासात तब्बल ७ हजार ८३ इतके सर्वाधिक रूग्णांचे राज्यात निदान झाले आहे. तर ३३९५ रूग्ण बरे झाल्याने त्यांना घरी सोडण्यात आले असून घरी जाणाऱ्यांची एकूण संख्या १ लाख ८ हजारावर पोहोचली आहे. याशिवाय राज्यात सर्वाधिक २९३ जणांच्या सर्वाधिक मृतकांची नोंद झाली. राज्यातील एकूण कोरोनाबाधितांची संख्या २ लाख ६४ वर पोहोचली असली तरी अॅक्टीव्ह रूग्ण ८३ हजार २९३ इतकी असल्याची माहिती आरोग्य मंत्री राजेश टोपे यांनी दिली.
याशिवाय राज्यात आज एकूण नोंदविलेल्या २९५ मृत्यूंपैकी १२४ मृत्यू हे मागील ४८ तासातील आहेत आणि उर्वरित १७१ पूर्वीच्या कालावधीतील मृत्यूंपैकी १६३ मृत्यू हे ठाणे जिल्ह्यातील एप्रिल ते जून २०२० या कालावधीतील रिकॉन्सिलेशनद्वारे नोंदविण्यात आले आहे. या १७१ मृत्यूंमध्ये ठाणे मनपामधील ७०, ठाणे -१५, नवी मुंबई -३३, कल्याण डोंबिवली -३२, उल्हास नगर -८, भिवंडी -५, मीरा भाईंदर -२, पिंपरी चिंचवड – २, सोलापूर -३ आणि लातूर -१ यांचा समावेश आहे. हे १७१ मृत्यू दैनंदिन स्वरुपात न दाखविता प्रगतीपर आकडेवारीत समाविष्ट करण्यात आलेले आहेत. सध्या राज्यातील मृत्यूदर ४.३३ % एवढा आहे. आजपर्यंत पाठविण्यात आलेल्या १०,८०,९७५ प्रयोगशाळा नमुन्यांपैकी २,००,०६४ (१८.५१ टक्के ) नमुने पॉझिटिव्ह आले आहेत. सध्या राज्यात ५,९६,०३८ लोक होम क्वारंटाईनमध्ये आहेत तर ४१,५६६ लोक संस्थात्मक क्वारंटाईनमध्ये असल्याचेही त्यांनी सांगितले.

राज्यातील एकूण रूग्ण, बाधित रूग्ण, मृतकांची संख्या

दैनदिन बाधितांची संख्या आणि मृतकांची संख्या