कोरोना: दोन दिवसात बरे होणारे ३ टक्क्याने वाढले तर आतापर्यंत १८ हजार मृत्यू ९ हजार १८१ नवे बाधित रूग्ण, ६७११ बरे झाले, २९३ मृतकांची नोंद

मुंबई: प्रतिनिधी

राज्यातील कोरोनाग्रस्त रूग्णांच्या बरे होण्याच्या टक्केवारीत एकाने वाढ झाली तर मृत्यूदरात .१ टक्क्याने घट झाल्याचे दिसून येत आहे. ७ ऑगस्ट २०२० रोजी बरे होण्याचा दर ६६.७५ टक्के होता. तर ८ तारखेला ६७.२६ टक्के, ९ ऑगस्ट रोजी ६८.२५ टक्के तर १० ऑगस्ट २०२० रोजी ६८.३३ इतक्यावर स्थिर राहीला आहे. आजही ६,७११ इतके रूग्ण बरे होवून घरी गेल्याने घरी जाणाऱ्या रूग्णांची संख्या ३ लाख ५८ हजार ४२१ वर पोहोचली आहे. तर ९ हजार १८१ इतक्या नव्या बाधित रूग्णांचे निदान झाल्याने एकूण रूग्ण संख्या ५ लाख २४ हजार ५१३ तर अॅक्टीव्ह रूग्णांची संख्या १ लाख ४७ हजार ७३५ वर पोहोचली असून २९३ मृतकांची नोंद झाली असून आतापर्यंत १८ हजार ५० मृत्यू झाल्याची माहिती राज्याचे आरोग्य मंत्री राजेश टोपे यांनी दिली.

सध्या राज्यातील मृत्यूदर ३.४४ % एवढा आहे. आजपर्यंत तपासण्यात आलेल्या २७,७३,५२० प्रयोगशाळा नमुन्यांपैकी ५,२४,५१३ (१८.९१ टक्के ) नमुने पॉझिटिव्ह आले आहेत. सध्या राज्यात १०,०१,२६८ व्यक्ती होमक्वारंटाईनमध्ये आहेत तर ३५,५२१ व्यक्ती संस्थात्मक क्वारंटाईनमध्ये आहेत. आज नोंद झालेल्या एकूण २९३ मृत्यूंपैकी २२१ मृत्यू हे मागील ४८ तासातील तर ५७ मृत्यू हे मागील आठवडयातील आहेत. उर्वरित १५ मृत्यू हे एक आठवडयापेक्षा अधिक कालावधीपूर्वीचे आहेत. हे १५ मृत्यू ठाणे जिल्हा –९, रत्नागिरी -२, बीड -१, जालना – १, पुणे  १ आणि पालघर १ असे आहेत. पोर्टलनुसार आकडेवारी अद्ययावत करण्याच्या प्रक्रियेमध्ये या सर्व मृत्यूंची नोंद आज घेण्यात आली आहे.

राज्यातील जिल्हा आणि मनपानिहाय रुग्णांचा तपशील पुढील प्रमाणे-

राज्यातील जिल्हानिहाय ऍक्टिव्ह रुग्णांचा तपशील खालील प्रमाणे-