कोरोना: बाधित रूग्णांबरोबर मृतकांच्या संख्येतही घट ६ हजार ७३८ नवे बाधित, ८ हजार ४३० बरे झाले तर ९१ मृतकांची नोंद

मुंबई : प्रतिनिधी

मागील काही दिवसांपासून सातत्याने बाधितांच्या संख्येत मोठ्या प्रमाणावर घट झाल्याचे दिसून येत असून ३० हजारापार दैनदिन आढळणारे रूग्णांची संख्या आता १० हजाराच्या आत आली आहे. तसेच याही संख्येत आता घट होत असून ती ५ हजाराच्या आत राहण्याची शक्यता निर्माण झाली आहे. यापार्श्वभूमीवर काल ३ हजार ५०० रूग्णांची संख्या आढळून आली होती. मात्र मागील २४ तासात त्यात थोडीशी वाढ झाल्याने ६ हजार ७३८ इतके रूग्ण आढळून आल्याने एकूण बाधित १६ लाख ६० हजार ७६६ तर अॅक्टीव्ह रूग्णांची संख्या १ लाख २९ हजार ७४६ वर आली. तर आज पुन्हा ८ हजार ४३० रूग्ण बरे झाल्याने घरी जाणाऱ्या रूग्णांची संख्या १४ लाख ८६ हजार ९२६ वर पोहचली. याशिवाय बाधित मृतकांची संख्येत घट होवून ९१ मृतकांची नोंद राज्यात झाल्याची माहिती राजेश टोपे यांनी दिली.

राज्यातील रुग्ण बरे होण्याचे प्रमाण (Recovery Rate) ८९.५३ % एवढे झाले आहे. तर राज्यातील मृत्यूदर २.६२ % एवढा आहे. आजपर्यंत तपासण्यात आलेल्या ८७,६८,८७९ प्रयोगशाळा नमुन्यांपैकी १६,६०,७६६ (१८.९४ टक्के ) नमुने पॉझिटिव्ह आले आहेत.सध्या राज्यात २५,२८,५४४ व्यक्ती होमक्वारंटाईनमध्ये आहेत तर १२,९८८ व्यक्ती संस्थात्मक क्वारंटाईनमध्ये असल्याचे त्यांनी सांगितले.

राज्यातील जिल्हा आणि मनपानिहाय रुग्णांचा तपशील पुढीलप्रमाणे –

राज्यातील जिल्हानिहाय ऍक्टिव्ह रुग्णांचा तपशील खालील प्रमाणे –