कोरोना : पहिल्यांदाच बाधितांपेक्षा बरे झालेल्या रूग्णांची संख्या जास्त तरीही ३८९० नवे रूग्ण, २०८ जणांचा मृत्यू तर ४१६१ रूग्ण बरे होवून घरी

मुंबई: प्रतिनिधी
राज्यात ८ मार्च पासून दररोज कोरोनाबाधित रूग्णांच्या संख्येत वाढ होताना दिसत होती. मात्र आज पहिल्यांदाच कोरोनाबाधीत रूग्णांपेक्षा बरे झालेल्या रूग्णांची एकूण आकडेवारी वाढलेली दिसत आहेत. मागील २४ तासात ३८९० नव्या रूग्णांचे निदान झाले तर २०८ जणांच्या मृत्यूची नोंद झाली. तर ४१६१ रूग्ण घरी गेल्याने बरे झालेल्या रूग्णांची एकूण संख्या ७२ हजार ७९२ वर पोहोचली आहे. याशिवाय अॅक्टीव्ह रूग्णांची संख्या ६२ हजार ३५४ वर पोहोचल्याची माहिती राज्याचे आरोग्य मंत्री राजेश टोपे यांनी दिली.
राज्यात आज २०८ करोना बाधित रुग्णांच्या मृत्यूंची नोंद. यापैकी ७२ मृत्यू मागील ४८ तासांमधील तर उर्वरित १३६ मृत्यू मागील कालावधीतील आहेत. सध्या राज्यातील मृत्यूदर ४.७२ % एवढा आहे.राज्यातील रुग्ण बरे होण्याचे प्रमाण (Recovery Rate) ५१.६४ % एवढे झाले आहे. आजपर्यंत पाठविण्यात आलेल्या ८,२३,७७५ नमुन्यांपैकी १,४२,९०० ( १७.३४ टक्के ) नमुने पॉझिटिव्ह आले आहेत. सध्या राज्यात ५,५७,९४८ लोक होमक्वारंटाईनमध्ये आहेत तर ३३,५८१ लोक संस्थात्मक क्वारंटाईनमध्ये असल्याचे त्यांनी सांगितले.