कोरोना: आतापर्यतची सर्वाधिक मृतकांच्या संख्येची नोंद २ हजार ७८६ नव्या रूग्णांची नोंद तर अॅक्टीव्ह रूग्णांची संख्या ५० हजारावर

मुंबई: प्रतिनिधी
मागील अनेक दिवसांपासून राज्यातील कोरोनाग्रस्त रूग्णांची संख्या बरे होवून गेलेल्या रूग्ण संख्येपेक्षा जास्त असायची. मात्र आज विक्रमी ५ हजार रूग्णांना घरी पाठविण्यात आल्याने घरी जाणाऱ्यांची संख्या ५६ हजारावर पोहोचली. तर अॅक्टीव्ह रूग्णांची संख्या ५० हजारावर आली आहे. मात्र आज पर्यंतच्या सर्वाधिक संख्यांना मागे टाकत मृतकांची तब्बल १७८ वर पोहोचली असून राज्याने ४ हजार १ मृतक संख्येचा आकडा पार केला. तर २७८६ नव्या रूग्णांचे निदान होत एकूण अॅक्टीव्ह रूग्णांची ५० हजारावर पोहोचल्याची माहिती आरोग्य मंत्री राजेश टोपे यांनी दिली.
सर्वाधिक रूग्णांचा मृत्यू हा मुंबई महानगर प्रदेशातील कोरोनाग्रस्तांचा असून १४३ जणांचा मृत्यू झाला आहे. मुंबईतील एकूण मृतकांची संख्या २२५० तर राज्यातील मृतकांची संख्या ४ हजार १२८ वर पोहोचली आहे. राज्यातील रुग्ण बरे होण्याचे प्रमाण ( Recovery Rate ) ५०.६१ %एवढे आहे. राज्यातील मृत्यू दर – ३.७० %. सध्या राज्यात ५,८९,१५८ लोक होमक्वारंटाईनमध्ये आहेत. राज्यात१५४७ संस्थात्मक क्वारंटाईन सुविधांमध्ये ८०,६७० खाटा उपलब्ध असून सध्या २८,०८४ लोक संस्थात्मक क्वारंटाईनमध्ये आहेत.
मृत्यू–राज्यात १७८ करोना बाधित रुग्णांच्या मृत्यूची नोंद आज झाली आहे. आज नोंद झालेल्या मृत्यूंपैकी आरोग्यमंडळ निहाय मृत्यू खालील प्रमाणे आहेत –