मुंबई-सांगली : प्रतिनिधी
राज्यात कोरोनाचा प्रादुर्भाव मोठ्या प्रमाणावर होत आहे. या विषाणूची लागण कधी आणि कोणापासून होईल याची कोणतीही श्वाश्वती नाही. या विषाणूमुळे सर्वसामान्य नागरिक मोठ्या प्रमाणावर बाधित होत असताना कोरोनाने राज्यातील राजकारण्यांनाही विळखा घालायला सुरुवात केली असून आता राज्यमंत्री विश्वजीत कदम यांनाही कोरोनाची लागण झाल्याची माहिती त्यांनीच ट्विटरच्या माध्यमातून आज दिली.
मागील काही दिवसांपासून थोडा ताप, अंगदुखी सारखी सौम्य लक्षण दिसू लागल्याने त्यांनी कोरोना तपासणी केली. त्यावेळी त्यांचा अहवाल कोरोना पॉझिटीव्ह आल्याचे त्यांनी सांगितले. कदम यांनी ट्विट करताच त्यांना काळजी घ्या म्हणून अनेक काँग्रेस नेत्यांनी ट्विटरवरून सूचना केल्या.
धावपळीच्या कारभारात योग्य ती वैद्यकीय खबरदारी घेत होतोच. परंतु अखेर मला कोरोना संसर्ग झालाच!
थोडा ताप आणि अंगदुखी, अशी सौम्य लक्षणे दिसू लागल्याने काल चाचणी करून घेतली. आज त्याचा अहवाल आला आणि मी कोरोना पॉझिटिव्ह झालो. pic.twitter.com/TvwuXFNpF4— Dr. Vishwajeet Kadam (@vishwajeetkadam) September 11, 2020
माझा पलूस कडेगांव मतदारसंघ, सांगली जिल्हा, महाविकास आघाडी सरकारच्या योजना, कोरोना रोखण्यास उपाययोजना, मंत्रालय बैठका, भंडारा पालकमंत्री या नात्याने पूरपरिस्थिती दौरे, भारती विद्यापीठ कामकाज… संसर्गातून बरा होत सर्वांच्या सेवेत पुन्हा रुजू होईन, हा विश्वास!#सदैव_आपल्यासोबत
— Dr. Vishwajeet Kadam (@vishwajeetkadam) September 11, 2020