कोरोना: बरे होणाऱ्याच्या प्रमाणात घट तर २ ऱ्या दिवशीही १५ हजारापार बाधित १५ हजार ६०२ नवे बाधित, ७ हजार ४६७ बरे झाले तर ८८ मृतकांची नोंद

मुंबई: प्रतिनिधी

मागील काही दिवसांपासून राज्यातील कोरोना बाधितांच्या संख्येत मोठ्या प्रमाणावर वाढ होत आहे. तर दुसऱ्याबाजूला बाधितांच्या बरे होण्याच्या प्रमाणात घट झाली असून बरे होणाऱ्यांचे प्रमाण ९४ टक्के होते. त्यात आता २ टक्क्याने घट झाली आहे. तर सलग दुसऱ्या दिवशी १५ हजार बाधित रूग्ण आढळून आले आहेत. मुंबईत काल १६०० तर आज १७०० रूग्ण बाधित आढळून आले आहेत. त्याचबरोबर ठाणेमध्ये ४०० हून अधिक, कल्याण डोंबिवलीत ४१९ बाधित आढळून असून ठाणे मंडळातील एकूण ३ हजार १९८ बाधितांची आज नोंद झाली. नाशिक मंडळात २ हजार ६४७, पुणे मंडळातही ३३६५, नागपूरात २ हजार ६९० इतके बाधितांची नोंद झाली.

मागील २४ तासात ७,४६७ रुग्ण बरे झाल्याने राज्यात आजपर्यंत एकूण २१ लाख २५ हजार २११  करोना बाधित रुग्ण बरे होऊन घरी गेले. तर यामुळे राज्यातील रुग्ण बरे होण्याचे प्रमाण (Recovery Rate) ९२.४९% एवढे झाले आहे. दिवसभरात राज्यात १५,६०२  नवीन रुग्णांचे निदान झाल्याने राज्यातील एकूण बाधितांची संख्या १ लाख १८ हजार ५२५ इतकी झाल्याची माहिती राज्याचे आरोग्य मंत्री राजेश टोपे यांनी दिली.

राज्यात आज ८८ करोना बाधित रुग्णांच्या मृत्यूंची नोंद .सध्या राज्यातील मृत्यूदर २.३ % एवढा आहे. आजपर्यंत तपासण्यात आलेल्या १,७४,०८,५०४ प्रयोगशाळा नमुन्यांपैकी २२,९७,७९३ (१३.२० टक्के ) नमुने पॉझिटिव्ह आले आहेत.सध्या राज्यात ५,७०,६९५ व्यक्ती होमक्वारंटाईनमध्ये आहेत तर ५,०३१ व्यक्ती संस्थात्मक क्वारंटाईनमध्ये असल्याचे त्यांनी सांगितले.

राज्यातील जिल्हा आणि  मनपानिहाय रुग्णांचा तपशील पुढीलप्रमाणे –

आज नोंद झालेल्या एकूण ८८ मृत्यूंपैकी ४० मृत्यू हे मागील ४८ तासातील तर २१ मृत्यू हे मागील आठवडयातील आहेत. उर्वरित २७ मृत्यू हे एक आठवडयापेक्षा अधिक कालावधीपूर्वीचे आहेत. हे २७ मृत्यू पुणे-८, नागपूर-८, रायगड-४, परभणी-२, रत्नागिरी-२, ठाणे-२ आणि वर्धा-१ असे आहेत.