Breaking News

भुजबळ तुम्ही जामीनावर आहात…..तर महागात पडेल भाजपा प्रदेशाध्यक्ष चंद्रकांत पाटील यांची भुजबळांना जाहिर धमकी

मुंबई: प्रतिनिधी

छगन भुजबळ तुम्ही जामीनावर आहात…काय बोलायचं ते इथल्या गोष्टीवर बोला. नेत्यांवर बोलू नका नाहीतर महागात पडेल असा सज्जड धमकीच भाजपा प्रदेशाध्यक्ष चंद्रकांत पाटील यांनी अन्न व नागरी पुरवठा मंत्री छगन भुजबळ यांना एका दूरचित्रवाणीवरून दिली.

देशातील पाच राज्यांमध्ये विशेषत: पश्चिम बंगालमधील निवडणूकीच्या निकालावर एका दूरचित्रवाहिनीवर चर्चा सुरु होती. त्यावेळी भुजबळांनी व्यक्त केलेल्या प्रतिक्रियेच्या अनुषंगाने चंद्रकांत पाटील यांना मत विचारले असता पाटील यांनी थेट भुजबळ यांना थेट धमकीच दिली.

पश्चिम बंगाल विधानसभा निवडणूकीच्या निकालावर बोलताना मंत्री भुजबळ‌ म्हणाले की, तृणमूल काँग्रेसच्या नेत्या ममता बॅनर्जी यांनी झाशीची राणी जशा म्हणाल्या मै झाशी नही दुगी तसे ममता बॅनर्जी यांनी मै मेरा बंगाल नही दुंगी असे म्हणत बंगालचा गड राखला. भाजपाचे अनेक नेते पंतप्रधान मोदी, गृहमंत्री अमित शाह हे तेथील प्रचाराला गेले. मात्र त्यांना विजय मिळविता आला नसल्याचे मत व्यक्त केले.

या प्रतिक्रियेवर चंद्रकांत पाटील यांना विचारले असता त्यांनी थेट भुजबळ यांना धमकी देत पाटील म्हणाले, भुजबळांची जेलवारी झालेली आहे. सध्या जामीनावर बाहेर आहेत. त्यांनी काय ते इथल्या परिस्थितीवर बोलावे केंद्रातील नेत्यांवर बोलू नये अन्यथा महागात पडेल.

यावर भुजबळांची प्रतिक्रिया समजू शकली नाही.

Check Also

त्या हिंसक घटनांची सर्वोच्च न्यायालयाच्या निवृत्त न्यायमुर्तीकडून चौकशी करा भाजपा प्रदेशाध्यक्ष चंद्रकांत पाटील यांची मागणी

कोल्हापूरः प्रतिनिधी त्रिपुरामध्ये कोणतीही अनुचित घटना घडली नसताना, जगात कोठे तरी मशिदीची नासधूस झाल्याची व्हिडीओ …

Leave a Reply

Your email address will not be published. Required fields are marked *