Breaking News

अमित शाहंच्या त्या कौशल्याची आम्हीही वाट पाहतोय शरद पवारांची मिश्किल टिपण्णी

मुंबईः प्रतिनिधी
कोणत्याही राज्यात निवडणूका झाल्या की, तेथे जर भाजपाला स्पष्ट बहुमत मिळाले नाही, तर भाजपाध्यक्ष अमित शाह हे सरकार स्थापन करून दाखवतात. आम्हीही त्यांच्या या कौशल्याची वाट पाहतोय अशी कोपरखळी वजा टिप्पणी राष्ट्रवादी काँग्रेसचे सर्वेसर्वा शरद पवार यांनी केली.
नवी दिल्लीतील पोलिसांनी काढलेल्या मोर्च्यावर देशातील कायदा व सुव्यवस्थेबाबत पक्षाची भूमिका मांडण्यासाठी पवार यांनी पत्रकार परिषदेचे आयोजन केले होते.
त्यावेळी भाजपाध्यक्ष तथा केंद्रीय गृहमंत्री अमित शाह यांच्या अपुऱ्या संख्याबळ असताना बहुमतातील सरकार स्थापन करण्याबाबत विशेष कौशल्य असल्याची बाब यावेळी पत्रकारांनी उपस्थित केली. त्यावर बोलताना त्यांनी वरील वक्तव्य केले.
मागच्या काही काळात अनेक राज्यात बहुमत नसतानाही अमित शाह यांनी सत्ता स्थापन केली, असा प्रश्न यावेळी पत्रकारांनी पवार यांनी विचारला. त्यावर शरद पवार म्हणाले, “असं आहे, त्यांच्या या सत्तास्थापनेच्या कौशल्याची तुमच्याप्रमाणे आम्हीही आतुरतेनं वाट पाहत आहोत. त्यांनी सरकार बनवावं,” असं खास पवार शैलीतलं उत्तर त्यांनी दिलं. “संख्याबळ असतं तर काँग्रेस आणि राष्ट्रवादीनेही सरकार स्थापन केलं असतं असेही ते म्हणाले.

Check Also

अल्पसंख्याक विभागाकडून विद्यार्थ्यांना आहाराकरीता मिळणार रोख रक्कम मासिक ३ ते साडेतीन हजार रुपये रक्कम मिळणार-मंत्री नवाब मलिक

मुंबई: प्रतिनिधी अल्पसंख्याक विकास विभागामार्फत राज्यात विविध ठिकाणी शासकीय वसतिगृहे सुरु करण्यात आली असून त्यामध्ये …

Leave a Reply

Your email address will not be published. Required fields are marked *